दालनच्या दुसऱ्या दिवशी दि ३१ जानेवारी २०२६ Innovative solutions for modern day- Complex structures या विषयावरील टेक्निकल सेमिनार घेतले त्यासाठी मा.एम.जी.गाडगीळ,मुंबई हे प्रमुख वक्ते होते.यावेळी एआय तंत्रज्ञानाने बांधकाम क्षेत्रात नवीन युग आणले आहे.त्यामुळे इंजिनिअर्स आणि बांधकाम क्षेत्रातील तंज्ञानी सतत नवनवीन गोष्टी शिकत राहून स्वतःला अपडेट ठेवावे असे आव्हान स्ट्रक्चरल इंजिनिअर क्षेत्रातील तज्ञ प्रा.एम.जी.गाडगीळ यांनी केले. आधुनिक काळात प्रगत तंत्रज्ञानामुळे कोणत्याही आकाराच्या कितीही भव्य आणि कोणत्याही गुंतागुंतीच्या डिझाईनच्या संरचना तयार करणे शक्य झाले आहे.बांधकामात स्पर्धा वाढल्याने कोणत्याही प्रकल्पात उशीर केला जात नाही. बांधकामातील नव्या नियमावलीचा वापर, आधुनिक मशिनरींचा वापर बांधकामात केला जात आहे. इमारती, पूल, भिंती,धरणे,ऑटोमोबाईल्स क्षेत्रात नवे तंत्रज्ञान, आल्याने ग्राहकांच्या अपेक्षा वाढल्या आहेत. यावेळी इंडियन सोसायटी ऑफ स्ट्रक्चर इंजिनियर कोल्हापूरचे अध्यक्ष प्रशांत हडकर म्हणाले शहरीकरणाने अनेक नवीन आव्हाने निर्माण होत आहेत.टिकाऊ, सुरक्षित, शाश्वत व परवडणाऱ्या गृहनिर्माणाची गरज महत्त्वाची बनली आहे. एफएसआय हा संधीचा विषय असला तरी मर्यादित भूखंडात त्याचा प्रभावी वापर करणे हे विकसक व आर्किटेक्ट् यांच्यासाठी आव्हान आहे. शहर अभियंता रमेश मस्कर म्हणाले क्रिडाई सभासदाच्या प्रकल्पाच्यामुळें महापालिकेच्या उत्पनाचा आलेख उंचावतो आहे. कोरोनानंतर बांधकामांची संख्या वाढली असून,क्रिडाईचा विस्तार वाढतोय, हे महत्त्वाचे आहे. या वेळी सार्वजनिक बांधकाम विभागाचे अधिक्षक अभियंता तुषार बुरुड म्हणाले शहर आणि आसपास होत असलेले काँक्रीट चे रस्त्याचे चोपद्रीकरण, काँक्रीट चे रस्ते या विकासाचा परिणाम म्हणून कोल्हापूर जिल्ह्याचे जीडीपीमध्ये योगदान वाढणार आहे.
